ليلى عمود البيت
قيس وليلى الجزء2
______________________2
قيس وليلى دول مواكيس
باعوا الحب الغالي رخيص
هي تقوله الثلاجه فاضيه
وهو يجيب سيرة التخسيس
صرخت فيه وقالت له القاضيه
كرشك يملي 3 تلاليس
قالها صح الست الفاضيه
فوق بقها نعمل ترابيس
لوكلك لوكلك ومافيش فايده
صدعتينى كفايا تهييس
قالت أيوه يا خويا اتهرب
حبك كان أنهار و إتسرب
كنت زمان بتغدي وبشرب
كأنه شهر عسل في باريس
قالها عيب يا وليه اتلمي
كل شويه تغيري دمي
يعني اسيبها واروح عند امي
هي دي عيشة تليق يا مغيث
قالت لاءه انت اتغيرت
طولة بالك راحت فين
كل شويه تقولي زهقت
وتغيب برة ليوم واثنين
وتقول هو الشغل الزفت
وأنا من خيبتي برد أمين
اتغيرت !؟
اتغيرت علشان مش فاهمة
عمر الحب ما كان يوم تهمه
وإن البيت ده شركة مساهمة
ديما فيها داين ومدين
وأنا طول عمري لوحدي وشايل
شوفت المر بواكى وسايل
هو عمود البيت لو مايل
احنا اللي حنفضل شايلين
احنا اللي حنفضل شايلين
.
#عادل_عوف
#قيس_وليلي_2
#ليلى_عمود_البيت
ليست هناك تعليقات:
إرسال تعليق