كانت ايام ======راضي مشيلح

كانت ايام
======
جمعة صفا ورضيان دخلو الرب
ودا صباح الخير من تمك
وخلا الشِعر شلال عم ينصب
ونقط عليي العطر من كمك
حسيت حالي رجعت كني شب
وع صورتك عم بركض بشمك
وكل ما حنين الشوق فيي هب
بتخايل تْطلعي من الصوره
وبفلش ادين القلب وبضمك
صرتي فرض والفرض عم صلي
وعم بحسد النسمه ال حواليكِ
وذايب حنينك صار يوصلي
ومتلو حنيني ذايب عليكِ
انشالله يضلو الحب متْجلي
ومفتاح عمرو بخيط ايديكِ
وتبقي بعينيي دواء للروح
وهيك انا ابقى بعينيكِ
---------------------------------
راضي مشيلح