الدنــيا قــالوا خشم بيوت
دي بيوتنــا مـالا مفتـــحة
والفاتـــــحة بنشيلا ونفوت
بي سـرعة برضو بنكشحة
وكشحتنــا نتديها السحاب
وشايف الســحابة ملقحة
واصلو اللقاح زاد النخــيل
والنخــلة لســـة مقبحـة
والقبح ضد لي كل جميــل
واصلو الجميل بيزحزحــة
والزحة ما بتجيبنــي ليك
والبعد بيناتنا اتمحـــــى
وامحيني من دنياك عديل
لو كنت دنياك بفرحــــــا
والفرحة ما زي الــحزن
دا الحزن مـــــرات بلفحا
والبلفح الفـــرح العزاب
ولابــد عزابك يجرحـــا
واجرح حبيبتك بالفــراق
لو كـان لقــاك بيريحـــا
والراحة في البال ما القروش
إلا القـــروش بـــتســمحــــا
والسمحة ما غابت كتير
فاتت تقـول اللبارحـــة
والبارحونا زمان كتااااار
ولسة الخراب ح يصلحـا
والصلح الترباس فقيـــر
والشيخ هو لسع ما صحا
والصاحي كايس الإرتزاق
دي عيونــو لازم يــفتحــا
وبعد العيون ما يفتحــــن
بيشيل قروشو وبمسحـــا
والمسحة بتفيد البـــعوس
والكسرة سمحة ممـــلحا
وملح غرامك بالصبـــر
وفوق الصبر زيد إستحا
وانا استحيــت من دنيتك
يا صاحبي أختا المصلحا
والمصلحة اديناها كـــف
في الواطة هسي بنضبحا
والبضبح الإحساس بموت
إلا البـــخلف صــــــــالحا
والصالح اصلا ما كتيـــر
والدنيا شوفوا مسارحـا
والبسرح اصلا ما بحـــب
ويـا حليلا غنماية جحـــا
وجحا ذاتو حجية اتنســت
قصة انتهت كوس مطرحا
والطرحة ما جات للشعر
فــوق الكتوف بتفسحـــا
وبــتفسح الزول الــحريف
وماف داعي يعني اوضحا
والـــواضح اصبــح مستتر
والقـــصة اوعــك تفضحا
وكــل الفضايح لـــمهـــا
ماف داعي للناس تشرحا
واشـــرح مـــوادك للبليــد
ما تودي نفسك مشرحــة
وشرح حياتك بـــي فهــم
دي الواطة ذاتا مسطـــحا
والسطح ما ياهــو التحـت
وتحتك قبور مـا مــــسبحـا
واسبح مع سمـك السكات
وإيـــــدك دي اوع تـــلوحا
والــواح قرايتـــنا انتـــهــت
والـــناس بقــت متصفــحا
وأتصـــفح إيميل العمــر
وشوف دنيتك مين كتحــا
واتكتحـــت صــور الزمــان
والناس دي عامــلة مفتحـا
واتفتحت طـــرق الفســاد
والدولة فاقده البـــنصحــة
وما تنصـح الــزول البعيـــد
لو كـان نــصيحتك مربحـــا
واربــح مــلايين البشـــر
وتلجاتــك اوعــا تسيحـــا
وساحــت تقاليدنا الزمان
والتلجة لــسة مطفحــــا
وطفح إذا غــتس الفساد
ولابد تقوم ليــك اجنـــحـا
وجنــاح حياتـــك لونـــو
وكــل الحقائــق صارحا
وما تصارح الزول القريب
لحظاتـك إنت بـــــوحوحا
واتوحوحــت كل النـــفوس
وبالتقــوي نفسك سلـــحــا
وسلاحــك ارميهــو الارض
وطـــلاقــتو اوعـــا تصيـحا
وصيح للبيــسمع كلمتـــك
دي الزبــزبات لا تروحـــا
وراح مـــننا صواع الملــك
وليه النفـــوس ما نسامحا
وقالوا المسامح كان كريم
وللمولي ايـــــدك لحـــلحا
وماتلح علي الزول الأباك
دنـــيـــاكـــا لا يـــتلـــحا
واتلح الفـــن والحــروف
فوق الحروف حتلقي حا
وحاو يا حمار الشوق اقيف
كلماتـــــــــي اوع ترشحا
ورشح مطاميـــر الفرح
وفتش إذا بتلقــي الرحى
دي بيوتنــا مـالا مفتـــحة
والفاتـــــحة بنشيلا ونفوت
بي سـرعة برضو بنكشحة
وكشحتنــا نتديها السحاب
وشايف الســحابة ملقحة
واصلو اللقاح زاد النخــيل
والنخــلة لســـة مقبحـة
والقبح ضد لي كل جميــل
واصلو الجميل بيزحزحــة
والزحة ما بتجيبنــي ليك
والبعد بيناتنا اتمحـــــى
وامحيني من دنياك عديل
لو كنت دنياك بفرحــــــا
والفرحة ما زي الــحزن
دا الحزن مـــــرات بلفحا
والبلفح الفـــرح العزاب
ولابــد عزابك يجرحـــا
واجرح حبيبتك بالفــراق
لو كـان لقــاك بيريحـــا
والراحة في البال ما القروش
إلا القـــروش بـــتســمحــــا
والسمحة ما غابت كتير
فاتت تقـول اللبارحـــة
والبارحونا زمان كتااااار
ولسة الخراب ح يصلحـا
والصلح الترباس فقيـــر
والشيخ هو لسع ما صحا
والصاحي كايس الإرتزاق
دي عيونــو لازم يــفتحــا
وبعد العيون ما يفتحــــن
بيشيل قروشو وبمسحـــا
والمسحة بتفيد البـــعوس
والكسرة سمحة ممـــلحا
وملح غرامك بالصبـــر
وفوق الصبر زيد إستحا
وانا استحيــت من دنيتك
يا صاحبي أختا المصلحا
والمصلحة اديناها كـــف
في الواطة هسي بنضبحا
والبضبح الإحساس بموت
إلا البـــخلف صــــــــالحا
والصالح اصلا ما كتيـــر
والدنيا شوفوا مسارحـا
والبسرح اصلا ما بحـــب
ويـا حليلا غنماية جحـــا
وجحا ذاتو حجية اتنســت
قصة انتهت كوس مطرحا
والطرحة ما جات للشعر
فــوق الكتوف بتفسحـــا
وبــتفسح الزول الــحريف
وماف داعي يعني اوضحا
والـــواضح اصبــح مستتر
والقـــصة اوعــك تفضحا
وكــل الفضايح لـــمهـــا
ماف داعي للناس تشرحا
واشـــرح مـــوادك للبليــد
ما تودي نفسك مشرحــة
وشرح حياتك بـــي فهــم
دي الواطة ذاتا مسطـــحا
والسطح ما ياهــو التحـت
وتحتك قبور مـا مــــسبحـا
واسبح مع سمـك السكات
وإيـــــدك دي اوع تـــلوحا
والــواح قرايتـــنا انتـــهــت
والـــناس بقــت متصفــحا
وأتصـــفح إيميل العمــر
وشوف دنيتك مين كتحــا
واتكتحـــت صــور الزمــان
والناس دي عامــلة مفتحـا
واتفتحت طـــرق الفســاد
والدولة فاقده البـــنصحــة
وما تنصـح الــزول البعيـــد
لو كـان نــصيحتك مربحـــا
واربــح مــلايين البشـــر
وتلجاتــك اوعــا تسيحـــا
وساحــت تقاليدنا الزمان
والتلجة لــسة مطفحــــا
وطفح إذا غــتس الفساد
ولابد تقوم ليــك اجنـــحـا
وجنــاح حياتـــك لونـــو
وكــل الحقائــق صارحا
وما تصارح الزول القريب
لحظاتـك إنت بـــــوحوحا
واتوحوحــت كل النـــفوس
وبالتقــوي نفسك سلـــحــا
وسلاحــك ارميهــو الارض
وطـــلاقــتو اوعـــا تصيـحا
وصيح للبيــسمع كلمتـــك
دي الزبــزبات لا تروحـــا
وراح مـــننا صواع الملــك
وليه النفـــوس ما نسامحا
وقالوا المسامح كان كريم
وللمولي ايـــــدك لحـــلحا
وماتلح علي الزول الأباك
دنـــيـــاكـــا لا يـــتلـــحا
واتلح الفـــن والحــروف
فوق الحروف حتلقي حا
وحاو يا حمار الشوق اقيف
كلماتـــــــــي اوع ترشحا
ورشح مطاميـــر الفرح
وفتش إذا بتلقــي الرحى
....عبدالرحمن ابوعساله
